【即市分析】閱文績佳追得過?

20190319
東網電視
更多新聞短片
東方產經專欄作者帥哥:股王騰訊控股(00700)要過兩日先至公布業績,不過2017年分拆出來的閱文集團(00772)周一公布業績幾靚仔,今日(周二)股價即市升7%,究竟追唔追得過?
先睇業績,閱文截至18年底止全年盈利按年升63.7%至9.1億元人民幣,收入按年升23%至50.38億元人民幣,毛利率略升0.1個百分點至50.8%,不派末期息,業績表現唔錯,難怪資金追捧。
不過,睇番該股去年底付費用戶人數只有1,080萬人,全年僅增20萬人。就算集團表示,短視頻興起對於閱讀並未構成很大衝擊,且閱文今年會透過廣告產品把免費用戶變現。不過,能否如願,就真係要再睇過先知。
策略上,近期市場缺乏重大消息,資金短線追入佳績的閱文亦可理解,但從股價自即市高位39.75元,回至現時的37.9元,以及新經濟股近期仍未係市場焦點等考慮,似乎再高追值博率好一般,反而有胡建議先食一轉。
─ ─ ─ ─ ─ ─
「東網Money18」全新功能「貼市貼士」,助你掌握投資先機
「互聯餘額」數據,助你掌握北水動向