渣打香港設共享空間 一次過滿足員工N個願望

20190602
東網電視
更多新聞短片
渣打員工一齊看電視直播球賽,為利物浦足球隊打氣。
作為利物浦足球會的主要贊助商,渣打銀行(香港)周日(6月2日)凌晨開放咗新設嘅共享空間「Pop-Up」,畀近百名員工及其家人好友,一邊享用場內免費小食及飲品,一邊睇電視直播利物浦足球隊喺西班牙馬德里嘅比賽,幫球員們打氣,認真窩心!
「Pop-Up」共享空間喺今年4月底先開始啟用,佔地面積有成7,000平方呎,入面可謂應有盡有,除咗設有咖啡店提供早午餐同埋共享工作間外,仲有休息室、集乳室、祈禱室,同埋自助電子設備販賣機及IT服務支援站等等,可以一次過滿足員工N個願望。該行亦會喺「Pop-Up」舉辦唔同活動,例如業界研討會、興趣班及聯誼活動等等。
渣打香港行政總裁禤惠儀表示,該行致力建立以人為本嘅企業文化,好開心可以透過聯誼活動增進同事感情、提升對公司嘅歸屬感,並為集團贊助嘅足球隊打打氣。
------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!
遊戲下載:
想睇更多一、二手樓精彩故事,即click以下連結:
新盤置啱睇
二手置啱Feel