【即市分析】中國鐵塔炒作未完？
20190605
東網電視
更多新聞短片
東方產經專欄作者司慕渢：關於中國快將發放5G商用牌照的消息，對5G概念股表現起提振作用。昨日(周二)見中國鐵塔(00788)股價一度高見1.95元，收報1.9元，升3.8%，成交高達23.78億元，位列第三大成交個股，真係炒到出煙！
雖然鐵塔市值達886億元，晒士一啲都唔細，但就勝在上市後股價一帆風順，冇咩大蟹貨區，長炒長有，加上股價價位啱散戶胃口，所以一有利好消息，班炒家就把握氣氛埋位落鑊炒，實際上估值貴定平，有幾大得益，反而係次要。
純睇走勢，鐵塔股價已重上多條平均線，若人氣維持，並成功重上50日線1.96元樓上，是浪目標向2.1至2.15元推進，穿1.78元須嚴格執行止蝕。
─ ─ ─ ─ ─ ─
「東網Money18」全新功能「貼市貼士」，助你掌握投資先機
「互聯餘額」數據，助你掌握北水動向