黃國英:短期投機要金睛火眼

20190703
東網電視
更多新聞短片
今次G20峰會之後,有種如釋重負的感覺。將持倉推高,買定離手的期間,當然會背負心理壓力,揭盅僥倖得勝,卻不是極度興奮想乘勝狙擊,只是舒了一囗氣。可能是過去年幾累積的經驗所影響,練成了一顆平常心。事實上組合風險水平也不應長期高企,因應一單特殊事件部署,完結之後便要逐步恢復正常。
港股走勢算不錯,可能還需消化獲利盤壓力,但看來整固後應該是反覆上升的格局,即是拉牛上樹的模式。升市莫估頂,不過最終上升空間未必太多,加上好股貴衰股廢,要爭取超級回報的話,短線走位的功夫可能會相當重要。
要捕捉短期投機的機會,當然要金睛火眼。在這個年代,最易令人分心的就是社交媒體。人人都有渠道及自由發表意見,人人都想當上KOL。意見多多只會加強固有立場,必然忽略其他事情以及對立證據。以過去個多兩個星期的發展為例,港股的節奏算是比較好賭,卻不見得有幾多人認真迎戰,包括自己所接觸的行家在內。
當然每個人價值觀不同,做人要有取捨。如果打算做KOL的話,那麼就盡量不要投機,選定幾隻股票作為核心持倉便算。市場高手如雲,埋身肉搏絕對不是鬧着玩,兼顧社交媒體發表及炒賣走位,只會落得兩頭唔到岸。至於要如何選擇,則純粹視乎個人喜好而已。
豐盛金融資產管理董事 黃國英(作者為註冊持牌人士,本欄每周逢三刊出)
------
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。