【即市分析】中國移動考驗底部支持

東方產經專欄作者桃桃：港股波幅愈來愈窄，似在醞釀爆邊格局。在此不明朗的氛圍，唔想高追強勢股，那麼股價低殘的中國移動(00941)，又值唔值得吼位博反彈呢？

中移是國內最大的電訊公司，受制內地反壟斷政策，過去數年市佔率未有寸進，盈利增長動力乏善可陳。然而，未來5G網絡普及成熟之後，料為公司新的盈利增長點。不過，在收成期之前，是投資期，未來數來須要投放大量資源建設5G基站，須留意公司能否維持派息水平。

早前中金發表報告更預計，持續的網絡擴張，令中移動營運成本不斷上升，因此將今、明兩年的純利預測分別下調4.6%及5.7%，維持「中性」評級，目標價由85元下調至65元。

睇番股價，中移已連跌4日，並為去年已來第三次下試67至68元的大底，一旦失守，真係冇眼睇。即使現價股息率有近5厘，建議都係先觀望相關水平，再作部署。

－－－－－－

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。