證監會「老臣子」雷祺光本月退休 ！

香港證監會「老臣子」之一嘅市場監察部執行董事雷祺光今個月二十七號就退休，邊個會接任？絲絲聽講佢嘅「左右手」、市場監察部高級總監梁仲賢係其中一名熱門人選。不過，最終都要等政府公布。證監會發言人就對傳聞不作評論。

事實上，雷祺光已加入證監會超過20年，由○六年起做市場監察部執董，專門負責監督香港交易所（00388）嘅交易及結算活動、自動交易系統（ATS）授權、管理投資者賠償基金，同促進證券及期貨市場發展等等。

至於梁仲賢，亦喺證監會做咗好耐，好有經驗。市場人士話，若內部晉升嘅話，梁仲賢上位都係合理安排。而且，近年該部門要睇埋港交所嘅互聯互通項目，必須要好熟普通話，所以分析話搵「老外」嘅機會不高。

－－－－－－

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。