【即市分析】提防港股交投會再明顯萎縮

東方產經專欄作者HS哥：上周初國際油價大升，間接令石油股、油服股及中資航空股都大幅波動。其他板塊方面，手機設備股及基建鐵路股表現都唔錯，所以都叫做有得炒吓。

不過，若然炒指數的話，上周就比較慘情，事關全個星期恒指跌足五日，如果做好友，雖然輸唔死，但都係灰頭土臉。睇埋恒指幅周線圖，10周線得而復失，且繼早前10周跌穿50周線後，如今再有20周線下破50周線，中線走勢進一步轉差，再考慮到本周五(27日)結算、10月1日黃金周前後幾個交易日又少咗北水落場，必須提防港股交投會明顯轉靜！

如果理性少少，在十個牛皮九個淡的前提下，恒指本周就唔太樂觀，所以建議就算落場都係細細注好了。如果冇心水，就忍忍手，等大日子過後，先至再作評估。

－－－－－－

立即參加「賞您睇」：https://reward.on.cc/theclub/promote/index.html

Click下面粒掣，儲on.cc coins！機票、家電、超市禮券、過萬份獎品等緊你。