【即市分析】防守股暫時靠邊站

東方產經專欄作者錢修：港股未有新方向，大家都係睇住中美貿易戰消息來炒，不過內地十一長假，市場資金或轉趨保守，咁防守股又係咪有運行呢？

講真，以美國為首的環球央行持續減息，但未來收息股的吸引力亦未見大升，事關一來各央行減息速度有限，二來要提防中美一旦傾得成「臨時貿易協議」，則防守股隨時受累。

此外，睇番近期一眾公用股如中電(00002)、香港中華煤氣(00003)及電能實業(00006)等股價普遍從8月初開始反覆下跌，雖則部分個股跌勢已有喘定迹象，但亦難以找到大升誘因，現階段買入隨時「賺息蝕價」，故都係企埋一邊揸現金最穩陣。

－－－－－－

立即參加「賞您睇」：https://reward.on.cc/theclub/promote/index.html

Click下面粒掣，儲on.cc coins！機票、家電、超市禮券、過萬份獎品等緊你。