【即市分析】滙豐控股逢反彈減磅

東方產經專欄作者司慕渢：滙豐控股(00005)股價自第三季確認失守65元支持，急速下滑，失守60元關。8月下旬曾低見55.3元後始作反彈，惟一直受制於50日線，走勢未許樂觀。

昨日見到港股通(滬)有逾7億元資金淨流入滙控，看來北水對於趁低撈大笨象股票有濃厚興趣。之不過，客觀上，滙控的香港業務正面臨極大困難，英國脫歐進程亦困擾英國業務，中美貿易戰亦令其海外業務受到損害，總之睇嚟冇咩利好因素支持。咁除非集團部署做重組，否則搵唔到理由跟進北水的撈底行動。

走勢上，短線滙控股價若仍受制於50日線(58.8元)，宜逢反彈減持，觀望55及50元關承接，才值得考慮是否分注撈貨。畢竟其盈利前景欠佳，意味未來亦難以維持派發高股息，銀行業經營的艱難景氣，亦會對銀行板塊的估值造成沽壓。所以若然冇貨在手，都係樂享冇貨一身輕；若然仍然持貨收息，可以考慮逢反彈減減磅，增持適量現金抗逆為上。

－－－－－－

立即參加「賞您睇」：https://reward.on.cc/theclub/promote/index.html

Click下面粒掣，儲on.cc coins！機票、家電、超市禮券、過萬份獎品等緊你。