【即市分析】大市氣氛好轉　吼建行認購證

東方產經專欄作者HS哥：中美貿易戰緩和，投資氣氛好轉，中港股市周一(14日)收市都有得升。部署上，如果要「較正路」地追買今次升浪，就建議吼住一眾內銀股，尤其是建設銀行(00939)，原因有三個。

首先，中資金融股佔指數比數咁大，加上建行更係重中之重，買佢都好正常。其次，內銀作為百業之母，中美貿易談判若能持續修成正果，內銀股的盈利前景必有改善。最後，同樣道理，中美傾得成，人民幣匯率會強番啲，咁內銀股估值都會水漲船高。

策略上，近期建行股價已升至9月高位6.28元，並上破多條主要平均線，走勢利好，短期若能在成交配合下破位而上，值得吼位買Call。建行高盛購(28289)，2020年2月到期，行使價6.61元，實際槓桿約11倍，溢價約9%。

－－－－－－

立即參加「賞您睇」：https://reward.on.cc/theclub/promote/index.html

Click下面粒掣，儲on.cc coins！機票、家電、超市禮券、過萬份獎品等緊你。