【即市分析】物管股短線調整係入市機會?

20191016
東網電視
更多新聞短片
碧桂園服務
東方產經專欄作者司慕渢:市場對中美貿易戰之憂慮暫緩,但資金入市態度仍審慎,要尋找有望長炒長有的板塊唔易。反之,就算以往升得唔錯的板塊,亦有機會因為股價累升已多而被市場重估,近期部分中資物業管理股開始有回軟迹象,究竟值唔值博呢?(物業服務板塊追蹤:https://bit.ly/2NT08Qd )
從基本面睇,中美貿易談判才初現曙光,但離完全解決仲有一大段路。所以,中央未來持續撐樓市、內需及推動基建已是「最基本」。內地樓價要大升機會唔大,但大跌亦不容許發生,皆因要保住銀行體系穩定。內房股成定海神針,物管股既受惠內房板塊穩定,本身又屬輕資產,沒有內房股普遍存在的高負債,投資價值比內房股更可取。
再講,物管股受中美貿易戰影響輕微,短線整固反可視為趁低吸納之時。走勢上,雅生活服務(03319)昨日(15日)有股東大手減持股份,股價受壓,惟仍守穩10日線,後市只要守穩20日線18.9元,中線可吼位買貨,目標價24元,跌穿20日線止蝕。
碧桂園服務(06098)股價走勢就更加靚仔,中線拾級而上之勢未變,多條主要平均線順序向上,MACD重現牛叉,走勢利好,可吼位買入,目標價睇28元,止蝕位23元。
------
Click下面粒掣,儲on.cc coins!機票、家電、超市禮券、過萬份獎品等緊你。