m18講場：香港資本市場專業人員協會成立　未來有乜打算？

為促進本地資本市場生態圈發展，香港資本市場專業人員協會(HKCMP)周二成立，協會主席、浩德集團創辦人葉天賜開心到滿場飛，講明未來會與港府、監管機構、其他行業協會等傾多啲計，齊齊合作，希望發展一個多元化且充滿活力嘅資本市場。

葉氏坦言，現時資本市場所面對嘅挑戰超出咗任何單一機構可以應付嘅程度，需要整個業界一齊努力方可應對，仲講明係「持久戰」，大家共同努力可以事倍功半，最終令到整個市場可以容納唔同類型、規模嘅企業。

據了解，現時協會成員有超過40間金融服務行業機構，包括新股保薦人、律師行、會計師行等不同持份者，可謂人才濟濟。

協會會長黃偉誠透露，未來除咗政策倡議之外，亦會進行人才培訓、成員交流等活動，分享工作經驗、共同面對的難題等，以做到市場可持續發展。