m18講場：陳翊庭與恒指公司超有緣？自爆箇中原因...

香港交易所(00388)與恒生指數公司合作，首度推出指數「恒生香港交易所滬深港通中國企業指數(SCCEA)」。唔講唔知，2位掌舵人同恒生指數甚有緣份，可以話係與恒指共同成長，下一個周年誌慶或者可以做埋代言人喎！

港交所行政總裁陳翊庭(Bonnie)自爆，佢同恒生銀行行政總裁施穎茵(Diana Cesar)與恒指同年誕生。不過年份呢，相信大家都知，唔洗特別提啦！

講返新指數，佢就話，可以提供全面、權威的基準，畀投資者更多部署內地同香港市場嘅選擇及機會，連接世界同中國市場。仲好有信心為本港產品生態圈加添活力，包括交易所買賣基金(ETF)。

Diana就話，新指數推出，代表住香港與內地資本市場之間不斷發展嘅重要里程碑，並投資者提供捕捉中國市場增長機遇。

絲絲仲聽聞，兩位女掌舵人係小學同學，坐隔離位嗰隻。依加就喺金融市場孖公仔報喜。至於邊間學校就唔提啦，以免增加競爭。大家都知啦，學校出名人，特別搶手㗎嘛！