藝人搶玩 旺角新雷射槍射擊場
雖然Laser Tag雷射槍射擊遊戲面世已經好耐，但今年香港再次興起熱潮，剛剛就有一間新雷射槍射擊場在旺角開張。這間名為ResaLaser的新場用上原創的147-NSLT系統和裝備，據負責人所講，傳統Laser Tag玩法都是用上亮度較高易傷眼而且光線較散的紅外線槍，但他們則是用上光線較集中亦不易傷眼的雷射光，瞄準亦更容易，只要穿上特製的感應背心及拎起雷射槍就可作賽。每件感應背心前後都各設兩個感應器，而槍頭還有多一個感應器，只是射中對方身上或槍上的感應器就可得分；即使中槍亦不會如一般War Game般中BB彈後又紅又腫，大人小朋友都好適合。
玩法方面十分多元化，如分隊殲滅戰、個人戰、首級行動、爭奪戰或者攻防戰等，電腦系統會為每名玩家計分，記低開槍數目、命中數目以及被殺數目，玩完後可憑分定輸贏，唔怕玩家作弊。場地設計方面亦是重要一環，ResaLaser就以「脫離現實」為主題，在黑暗的場地貼上不同顏色螢光條，並不時大放煙霧，感覺非常Cyber，亦增加了遊戲挑戰性。ResaLaser早前開幕當日，一班藝人都有前往捧場並即場開戰，成績最好的布偉傑（阿一）原來中學時代已有玩過第一代Laser Tag，今次再玩尋回當年的感覺；鄺芷凡（Omi）大讚好玩又刺激，玩完之後真會出一身大汗，Keep Fit最啱！大家又有冇興趣親身上去玩吓呢？
收費：
非會員：每位$118/節
會員：每位$98/節、$158/2節
每節時間：約20分鐘（每場比賽最多12人）
地址：旺角亞皆老街24-26號東方大廈8樓