搞咩？5舊幾水一箱車厘子都搶住買？

是，說的是食過返唔到轉頭、每年只有一造的塔斯馬尼亞產的車厘子，由於造期短，只盛產於每年12月至翌年2月初，加上其質量高，粒粒車厘子體積大，由28mm至34mm或以上（28mm都成個5蚊銀般大）、皮脆肉厚，最重要是汁多清甜帶微酸，味道相當有層次。當地種植車厘子品種不少，主要有Sweetheart、Simone、Lapin、Kordia、Sweet Georgia及Regina等，而香港去年瘋搶的紅寶石（Ruby）更是當地新品種之一。

既然當地品種眾多，咁邊個品種最美味呢？九龍城源興水果專賣店的負責人方小姐直言：「很難說！」她指車厘子質素基本上要看來貨才知道，始終批次不同，味道總有出入，不過盛產的車厘子普遍多汁清甜。永富食品的富哥則指出，普遍客人較喜愛Lapin、Simone這些品種，色澤由桃紅至深紅色，果實顆粒大而清甜，皮厚卻爽脆，口感好。至於原箱盒面見的Class，方小姐指屬當地果園自行分類的級別，未必跟品質有關，選購時最重要是因應個人喜好即場揀選，睇吓車厘子大小、色澤，及甜度與脆度作決定。

邊月食邊種

問到邊個月邊個品種最正的話，方小姐坦言：「買手都唔敢答！」事關各個果園種植品種不同，加上天氣稍有改變影響雨水、陽光及土壤的話，果實的味道也會有所不同，以塔斯馬尼亞農場兼批發供應商Somercotes為例，12月尾會出產Van及Simone品種，至於港人喜愛款式之一的Lapins則盛產於1月中旬，之後則以Sweetheart為主。

識咗先食：

品種（Variety）：一般都會印在盒上，以普遍1月中盛產的Lapin為例，呈深紅色，顆粒大且偏甜。

數字：每箱車厘子均印有28至34不等的數字，這個數字好緊要，指的是車厘子的體積（Size），當地有專用作測量車厘子的測量器，數字由28mm至34mm，28mm或以下的是最細款式，Size細並不影響其味道，但普遍數字愈大價錢也愈貴。

色澤：當地產的車厘子普遍是深紅色，果皮富光澤且緊緻。

原箱買：識得買當然要原箱選購，以確保不會混集其他品種或次貨。可直接到果欄，如油麻地果欄的零售店選購，不少店舖還可以試食，大可揀啱至買。亦可透過Facebook在網上預先訂購，有的甚至可用WhatsApp問價訂貨，相當方便。