4層塔蒸鍋　屋企慢慢歎

韓式九層塔夠架勢，逐層揭開仲有不同海鮮，原汁原味又好味道。但你有沒有諗過在家中自製再慢慢歎呢？日本伊瑪牌最近推出一個5公升的「鮮料理」蒸煮火鍋，雖然最多只砌到4層，不過一家人食就啱啱好，鍋連埋蒸籠都以不銹鋼鑄造，耐熱又耐用。

自家製作蒸火鍋有個秘訣，就是將同類型的食材放於同一層，放完湯底後，第1層蒸籠可以擺粟米同瓜類，第2層就最啱放肉類、鮑魚同蜆仔這類小型貝殼，第3層適宜放魚、蝦、魷魚、中型貝殼類，而最上層就用來蒸熟龍蝦、蟹、扇貝等大貝殼海鮮。意猶未䀆不妨換上煎盤，歎埋鐵板烤肉更多元化。