搭飛機 十大討厭龍虎榜
20160212
東網電視
更多新聞短片
十大討厭龍虎榜
香港人愛旅遊，旅遊地點可以揀，但隔籬係邊位就未必有得揀。Expedia就此與501位18歲以上的香港旅客進行問卷調查，為大家細數十大討厭龍虎榜之餘，也希望大家己所不欲，勿施於人！
第十位
扶手霸王 9.2%
坐中間位最怕兩邊扶手畀人用晒，個人空間縮小，舒適程度也受影響。
第九位
超級巨無霸 11.5%
無扶手慘，如果左右兩邊都係大隻佬，隨時變咗人肉軟枕，都咪話唔惡心，係真陰公豬！
第八位
拉櫈精 11.6%
被人趕走好夢，真係好慘，尤其失驚無神被人從後拉櫈，真係學汪阿姐話齋「搞到人個心都離一離呀！」
第七位
闊佬懶理家長 22.5%
飛機氣壓問題少不免令小朋友哭哭啼啼，但最重是家長即時安撫小朋友，若遇到闊佬懶理的家長，真係想殺人呢！
第六位
無腰骨 23.7%
繁忙的城市人，隨時睡着也不足為奇，但最怕遇到未派餐就已經拉低椅背嘅「無腰骨」，用餐唔見半張枱之餘，仲有頭油附送，爽到呢！
第五位
雷公 23.9%
睡覺扯鼻鼾應該無人想，身邊嗰位惟有帶耳塞，而扯鼻鼾的最好不要躺得太平，免得鼻鼾扯太大。
第四位
開籠雀 24.7%
一個人坐飛機，有時跳出Comfort Zoom，同隔籬位傾幾句真係唔錯，但記得適可而止，免得變成開籠雀。
第三位
異味怪客 35.0%
眼可以唔睇，耳可以塞住，鼻呢？如果遇到氣味超凡的鄰座，只好硬食，或者祈求飛機有吉位，執生可以坐遠啲。
第二位
大聲公（婆） 40.4%
中氣十足固然好，但在空間有限的機艙，正常聲浪隨時會變成倍增，所以音量最好收細，讓大家享受寧靜空間，這也是40%人的意願呢！
第一位
踢櫈魔 43.0%
大聲可怕，但香港、新加坡和美國旅客同樣公認最可怕的，首推「踢櫈魔」，皆因踢櫈魔通常會採取持續攻擊，就算暫停一會，仍會故態復萌，十分煩擾，並以43%榮登冠軍！