迪士尼花蛋節即日登場

由今日起至5月29日，香港迪士尼樂園將會舉行第一個「花蛋節」，過百隻色彩斑斕的迪士尼「花蛋」遍布樂園每個角落，其中超過70隻更是由迪士尼朋友化身而成，圓碌碌得意到不得了，《玩轉腦朋友》的阿樂、阿愁、《雪姑七友》的7個小矮人、《海底奇兵》的MO仔、多莉、《星球大戰》一班主角，當然唔少得米奇老鼠與他的老友啦！想「集郵」就要留意四周，順便參加「猜猜誰．尋尋蛋」遊戲仲有機會得到花蛋貼紙。

至於一向大受小朋友歡迎的「星級體驗」服務在3至5月的指定日子亦推出了全新內容。男孩子當然不容錯過《星球大戰》預備班，不但有機會同風暴兵合照，仲可以參加BB-8繪畫班，玩完BB-8遙控機械人障礙賽遊戲一齊讓原力覺醒！

女孩子亦不一定要扮Elsa，全新《小公主蘇菲亞》之旅就讓小朋友探索蘇菲亞公主的世界，聽完故仔再上「皇室預備班」學習禮儀，齊齊學做一個人見人愛的小公主，之後還有機會享用公主主題美食呢！