東網電視
更多新聞短片
超級巨熊拉麵 HK$123：大胃王必點款式，叉燒，味付筍、紫菜、木耳、葱花全部加倍分量，叉燒改成特製五花腩更滋味。
1/4
話九龍佐敦白加士街間熊拉麵是呃Like王絕對沒有誇張，短短開張兩個月，在飲食網站已獲得50個好評、0個劣評，令拉麵迷都聞風而至，想親身試試這家在熊本及仙台合共開設8間分店的拉麵店有幾出色。
拉麵共有熊拉麵、黑熊拉麵、赤熊拉麵、白熊拉麵及超級巨熊拉麵5款選擇，麵條則有直徑1.25mm幼麵及1.5mm中幼麵兩款讓客人挑選。湯底以熊本豬骨口味為主，但食落就會發現特別香濃入味，原來日本師傅每日都會用150公斤豬骨煲湯煲足12小時，平均可以做到150碗拉麵，換句話說，每碗拉麵都用上一公斤豬骨來煮，加上由日本總店直送的魚介醬汁，味道的確唔錯。
赤熊拉麵 HK$78：在豬骨湯底中加入自家炮製的發酵味噌辣醬，味道辛辣刺激。
黑熊拉麵 HK$78：喜歡重口味不妨叫湯底加了特製黑蒜油及炸蒜製作的黑熊拉麵。
熊自家製煎餃子 HK$38：自家製餃子肉汁豐富，吃時記得蘸點秘製醬汁。
