鬆弛熊和菓子　日本便利店有得食

日本便利店經常都有唔少正嘢推出，就好似LAWSON最近又發功，推出嘅仲要係萌爆嘅鬆弛熊甜品呀！由4月26日開始，日本連鎖便利店LAWSON會喺全國分店推出鬆弛熊和菓子「食べマス リラックマ」，賣相一啲都唔頹，一盒兩款，包括Rilakkuma同Korilakkuma造型，見到都唔捨得食。而且今次嘅和菓子味道都夠特別，一款係布甸味，另一款就係牛奶味，每份都係360日圓，大約係廿幾蚊港紙，食完飯用嚟當甜品都唔錯。