母親節安坐家中歎米芝蓮滋味

20160502
東網電視
更多新聞短片
英式威靈頓牛扒是Chef Tom的推介,以鬆脆酥皮包裹着安格斯牛柳、磨菇及黑松露,烤焗後惹味又肉汁豐富。

母親節就快到,想同媽咪食好啲,又唔想舟車勞頓同人迫?有辦法,因為安坐家中一樣有機會食到米芝蓮大廚炮製的星級美食,仲預備了食得落肚的康乃馨送畀媽咪,心意攞足100分。
Invisible Kitchen創辦人兼主廚Tom Burney最近推出了全新自助餐到會餐單,乳豬、通粉、炒飯、咖喱、沙律、海鮮拼盤、甜品式式俱備,其中一道英式威靈頓牛扒更是Chef Tom的推介,海鮮拼盤同樣大受歡迎。到會餐單共有經典、豪華及尊貴3種選擇,經典套餐每位HK$250、豪華套餐HK$350,至於尊貴套餐更可邀得大廚駐場,全部最少要預訂20份,啱晒大家族開大食會。

開完大食會,送上一盒別出心裁的康乃馨給媽咪就更加圓滿。這些栩栩如生的康乃馨用脫水菠蘿片製成,「花瓣」上的紅色來自紅桑子醬,再配上沾滿紅桑子粉末的巧克力棒棒糖,用盒子盛載更顯心思。每盒康乃馨售HK$600,全日制學生可享7折優惠,5月6至8日設有送貨服務,準備給媽咪送上驚喜就要趁早上網預訂。

網址:http://www.invisiblekitchen.com