佛誕食齋　夠潮唔Dry

聖誕節就話要大魚大肉食聖誕大餐同火雞，至於佛誕，當然要食齋應節啦！以為食齋一定好悶就大錯特錯，今日就為你精挑細選了兩間餐廳，試完就知食齋絕對唔Dry！

主打健康飲食的Locofama最近在中環新開專攻外賣的「Supafood」，每款食物都用上營養豐富的Superfood入饌，當然少不了素食選擇。個人推介「有機麵豉澳洲茄子沙律」，材料包括澳洲茄子、有機火箭菜、紅菜頭、牛油果、車厘茄、大麻籽，以及用紅洋葱、橄欖、香草、青紅椒製作的鷹嘴豆沙律，營養豐富賣相又靚，拌勻甜香醋沙律醬汁更可口。

講到別致日本菜一定榜上有名，位於灣仔的日式素菜餐廳「居素屋」就帶來多種選擇。自選壽司拼盤可以任選5款口味，當中較為特別的有用紅椒冬菇及紅椒紫蘇葉製作的關西風味箱壓壽司，散發着淡淡醋味，相當醒胃。除了壽司之外，期間限定的櫻花蓮藕饅頭也極具特色，師傅先將蓮藕磨成蓉，與菇粒炒香然後用蓮藕片薄包成饅頭形狀，加一朵鹽漬櫻花作裝飾再蒸熟，原汁原味清新甜，漂亮的賣相亦令人對素食更添好感。