大廚s出馬　可樂點只煮雞翼？

傳說話可樂雞翼嘅由來係有人唔小心將可樂倒咗落紅燒雞翼，當場發現唔只上色容易，仲有獨特甜味。時至今日，一講起可樂入饌係人都會諗起可樂雞翼，但有冇啲新玩法先？上星期四就有為數11人嘅大廚們，參加咗一場叫做「可口可樂®駕到　精英大廚出馬」嘅廚藝交流活動，見到一個二個大師級人馬，好似六國酒店中菜行政總廚馬榮德師傅、香港麗新飲食集團行政總廚歐國強師傅、五少粥亞B廚房董事大廚梁亦衡師傅等等，玩可樂玩到出神入化，煮鮑魚又得、煮豆腐都得，真係風儉由人、中西交融。想學嘢？不妨觀摩一下其中獲得「美味創意金獎」嗰5道菜，睇吓可唔可以參透到一啲端倪？