時令蔬菜御結　有營又好味

夏日熱辣辣，成日都冇乜胃口咁，之不過口淡淡但肚仔餓，簡單食啲開胃飽肚美食就至啱。主打日式飯糰嘅華御結，喺呢個夏日推出多款限定口味嘅御結（日式飯糰）外，仲用日本時令的苦瓜及秋葵炮製多款營養十足嘅夏日蔬菜料理，好似用信州特產嘅酸梅配特味獨特嘅山牛蒡製成爽脆開胃的酸梅山牛蒡御結；又或以日本金沢名店的一乃松巧手料理，選用高級昆布汁長時間慢煮而成的美味木魚製成一乃松特級木魚御結等。

夏日蔬菜料理則有日本九州代表的秋葵淺漬，翠綠秋葵原條淺漬，清新可口。而於7月18日始推出嘅就有苦瓜雜錦，屬沖繩代表料理，苦瓜和豬肉都是對抗夏日疲勞的絕佳食材，而日本苦瓜亦分外甘甜鮮爽，夏天食最啱。