開箱男：翻撻紅白機　pokeFAMI Plus掌上玩

而家玩番啲8 Bit舊Game，雖然畫面唔華麗，聲效太單調，但勝在難玩又刺激，毒性夠晒高。最近日本遊戲周邊品牌GameJoy就推出了替代手提遊戲機「pokeFAMI Plus」，可以插紅白機盒帶出街玩之餘，兼且附有3色AV線直駁電視大畫面煲機，童年回憶番晒黎！

pokeFAMI Plus的紅金配色和造型可謂跟紅白機手掣致敬，主機有3.5吋彩屏，尺寸跟去年別廠出品的替代機FC Pocket相若，操作方面也設有十字鍵、AB鍵和支援連射機能用AA/BB鍵，實試按感反應都算紮實，而前置喇叭夠響亮，造工唔山寨。此外又備有單機專用手掣，方便接駁電視時使用。雖則產品支援紅白機盒帶，隨插即玩辨識度超高，但主機本身仍內建了92款原創遊戲，包括動作、射擊、運動、益智、其他等5個範疇，易玩如射傘兵的《Trooper》、打拳擊《Boxing Wresrle》等，無Game帶都可以消閒一番。惟要留意遊戲機不對應充電使用，玩家需另購4枚AAA筆芯電方能開機呢。

查詢：2782 0978