榴槤迷天堂！派對任食矜貴馬拉榴槤

【8月4日：14:40】最新消息，大會將於9月10及11日（六、日）分別加開兩場9:00pm-11:00pm，門票將於8月5日（五）8:00pm開售。

【16:15】由於反應熱烈，現時門票已經暫時售罄，但據悉主辦單位有意加開夜場，有興趣的榴槤迷們記得密切留意榴槤BB的網頁及Facebook專頁發布的最新消息！

放題雖然由日本傳來，但就好似專為鍾意喪食的香港人而設一樣。不過最近就有一個獨一無二的放題活動，小眾得來又大把Fans爭崩頭，那就是真．榴槤放題Party！由本地品牌榴槤BB與馬來西亞聯邦農業促銷局合辦，在剛過的周末，連續兩日在灣仔租場大搞5場榴槤放題派對，就算門票要HK$390一張，全部300張門票不用18小時就賣清光，可見榴槤的魅力。

不過任食的可不是一般的榴槤，而是一共5款矜貴非常的馬來西亞榴槤，除了有最為港人熟悉的D917老樹貓山皇和D24蘇丹王，還有本地較少見的D101紅肉、D13金包以及首次來港的焦點純種老樹888！這種有機的野生品種，果肉色澤較淡白，味道清甜，甜度雖不算高，但當中卻帶獨有幽香，纖維較少，肉質較實。

大會一連5場為300人預備了達1,800個共計有2,800kg的馬來西亞榴槤，平均每個榴槤迷可以食到6個！預備數量相當驚人！不過不知眼闊的香港人肚窄不窄？錯過了品鑑這些矜貴馬拉榴槤的朋友們不用失望，事關大會將在9月10和11日，趕在榴槤當造的季節過去前另外加開6場，門票定價HK$450一張，屆時場地更大、榴槤款式也可能更多更廣泛，相信榴槤迷們又可以滿足地大吃一頓了！

訂票網頁：https://durianbb.com/shop.php

Facebook專頁：https://www.facebook.com/DurianBB