萬人迷Nala　剪指甲超乖示範

貓奴應該都同意，幫貓貓剪指甲絕對是危機災難。不過，呢隻貓貓就出奇地乖，講緊就係坐擁百萬粉絲的Nala！

Nala除咗沖涼乖乖之外，剪指甲嗰時都好乖坐喺主人大脾任人魚肉，反應超可愛！但如果你隻貓唔係好似Nala咁乖，著名管教惡貓主持人Jackson Galaxy就教路，對貓咪嚟講，「習慣」同「尊重」相當重要，所以剪指甲都要循序漸進一步步嚟！首先，可以在貓貓放鬆嘅時候，摸吓佢隻腳，等佢習慣腳被摸嘅感覺。之後可以輕壓貓貓嘅腳掌，等貓貓都習慣呢種感覺之後，先慢慢開始幫佢剪指甲，貓奴們不如返去試吓呀！