西洋菜Guide：殺得「性」起　哈囉喂四仔！

哈囉喂，搞乜鬼，梗係睇四仔！如果你以為恐怖四仔得個殼，唔識驚剩係興奮咁你就錯晒，雖則四仔好多都係掛個名「惡搞」，但當中有唔少認真製作，導演同演員都上晒身，似拍鬼片多過執劑，無論化妝同劇情都拍得住恐怖片，細膽嘅未睇到埋牙就唔知「縮」咗去邊！而以下被評選為歐美四仔史上最恐怖四仔用嚟醫夢遺，尤其成日喺辦公室夢遺嗰啲睇完包你不藥而愈！

The XXXorcist

歷史上第一部被提名奧斯卡最佳影片獎嘅恐怖電影《驅魔人》（The Exorcist）你睇過幾多次？睇到唔識驚？咁睇埋惡搞版嘅《The XXXorcis》，呢套四仔你未必喊驚，但以後有冇勇氣上床就唔敢擔保喇！事關佢被四仔迷封為最嘔性戰，由Burning Angel老闆娘Joanna Angel喺2006年自編自導自演，雖然自己話晒事，但阿妹喺訪問中話Budget有限，全片得50分鐘，集中惡搞「驅魔嗰段」就算，而佢一啲都唔錫身，飾被惡魔纏身嘅女主角，特技化妝樣衰唔在講，床上更要前後門喪噴綠色液體，一路砌一路噴，同「驅魔」男優Tommy Pistol執完一劑後，即時有姊妹接力，喺一大攤液體上喪磨，雖然係潤滑油，但極度噁心，無乜必要都係唔好睇喇！

Scream XXX

《奪命狂呼》Scream係90年代最成功嘅驚悚血腥電影，電影中出現大量血腥死亡情節，要到末段先會表明兇手真正身份。而四仔廠Vivid Entertainment喺2011年睇中Scream開拍第四集，於是推出惡搞版《Scream XXX》，同電影一樣都係玩劇情居多，不過殺人狂魔每次都要執完劑勁先會落手，咁所以四仔動用大量男女脫星上陣，連四仔傳奇人物Ron Jeremy都要落場客串，不過大哥就冇性愛場面，亦由於電影玩驚嚇唔係玩鬼，因此囡囡唔係醜化，但每次狂魔戴住面罩出場，砌完再殺，好驚呀！

Cindy Queen of Hell

又係Burning Angel作品，拍鬼四仔咁受歡迎，難怪Joanna Angel喺今個哈囉喂檔期都推出《Cindy Queen of Hell》啦，呢套片唔係惡搞，據官網話係阿妹自編自導自演，但今次恐怖唔再係佢，反而係佢力捧新女Leigh Raven。故事講「撒旦之女」Cindy （Leigh Raven飾）成年後從阿媽Joanna Angel口中得知自己身世，佢可以選擇做地獄統治者或留喺地球上過平凡生活，但其實一切都安排好晒，流住魔鬼血嘅Leigh Raven不斷同凡人搞嘢，將男男女女變成魔鬼，此片恐怖在於氣氛，每次肉搏場面都非常陰沉，但如果四仔迷了解Leigh Raven係邊個，大概知佢幾「恐怖」，事關佢有鋪自虐癮，好驚囉！

A Wet Dream On Elm Street

當年睇過《猛鬼街》（A Nightmare on Elm Street）嘅男女，連瞓覺都唔敢瞓，皆因電影內變態夢中殺手Freddy Krueger實在太恐怖，點估得到四仔咁有創意，將Freddy嘅「鬼手」變成四支震棒，透過囡囡發綺夢時偷襲，夢中執一劑，醒咗再霸王硬上弓，拍成《A Wet Dream On Elm Street》，好可惜呢套經典之作落喺導演Tom Byron手上，呢間細廠幾個月先推一部四仔，加上全片只得100分鐘左右，驚嚇位係有，但四仔迷話到喉唔到肺喎！

The Texas Vibrator Massacre

講恐怖，2003年嘅《德州電鋸殺人狂》（The Texas Chainsaw Massacre）肯定榜上有名，四仔要攞嚟惡搞，真係唔可以求其呀！連大廠都唔玩，居然落喺一間不知名廠Loaded Digital手上，唔使審都知卡士強極有限啦！不過睇恐怖四仔女係其次，故仔先係首要，呢套嘢跟足原著，導演Rob Rotten喺背景及人物造型都抄到足，啲女死完一個接一個，埋身肉搏位亦唔突兀，而女主角Roxy DeVille更一致被網友讚演技無敵，似演恐怖片多過拍四仔，無奈都係紅唔起！

The Walking Dead : A Hardcore Parody

呢個月喪屍電視劇The Walking Dead第七季又播喇，雖然網民話劇情仲行得慢過喪屍，唔緊要，睇惡搞版你條氣會順翻啲。劇情唔算好恐怖，但四仔評分網站，喺演出、特技及場景都超過9分（10分滿），喺驚慄四仔中算超班喇！夠膽講，假如將四仔宣傳照同電視劇照拍埋一齊，你一定分唔到邊個打邊個，事實上四仔特技實在太神，亦因為咁，當喪屍同人類搞嘢時，鏡頭一Pan到喪屍個樣，真係睇到你反胃，好重口味呀！

Dracula Sucks

要恐怖又要有味，但又驚人話睇四仔Cheap？咁扮吓嘢睇電影《Dracula Sucks》，呢套超經典成人恐怖電影，其實喺1978年美國上影，由Phillip Marshak執導，故事講一間療養院病人發生好多古靈精怪死亡個案，頸上都留有咬痕，飾演驅魔人兼教授嘅Reggie Nalder懷疑係吸血殭屍所為，之後更發現係德古拉伯爵（Jamie Gillis飾），真正目的係院內最索嘅Mina（Annette Haven飾），誓要又搞又吸血先肯收手，好多女，好多肉搏場面，記住，大電影嚟㗎！