出前一丁同甜品店Crossover　HK$60飽肚定食

自從居家常備的出前一丁今年4月出了棒丁麵（即食拉麵），家人的口味都產生了微妙的變化。想不到本來只在屋企出現的東西，如今走到街上都食得到。事關出前一丁剛剛同甜品店「甜品工房」大玩Crossover，在甜品店位於九龍尖沙咀厚福街的原址設立限定一個月（即日至11月30日）的概念店，有3款新鮮滾熱辣的棒丁麵和5款原創Yummy甜品，麵食甜品各任選一款都係HK$60，多了甜品仍比坊間拉麵還要平。

不少鍾情拉麵的朋友都特別鍾意四圍訪尋隱世拉麵，而今次概念店就有連日本都未有、最快要明年初才開賣的味噌味棒丁麵搶先登場，相信至In的港人一定不會錯過。另外還有黑蒜油豬骨濃湯味和九州濃湯豬骨湯味，統統在湯底外配有2塊叉燒、2塊魚蛋、半隻糖心蛋同木耳，每款配料想再加亦只係HK$10。

甜品方面，由甜品店負責人Dominic構思出的5款和風甜品，除了配合清仔清妹的造型和選用日本原材料，較特別的有清妹黑白蜜語，用上出前一丁的麻油製作軟雪糕和黑蒜油製作脆餅，味道破格得來很夾。有清妹就當然不少得清仔，一道清仔DOUBLE HAPPINESS，表面上是平平無奇的木糠布甸，但掀開清仔神秘的「面紗」入面卻有一粒粒黃豆蕨餅和紅豆蓉，果然是內有乾坤！最後，食飽飽後可以去埋店內的熱賣天地，有各種主題紀念品出售，如棒丁麵、清仔杯緣子、康樂棋、多士爐等。