呢頭萬聖節完咗，嗰頭聖誕節又來，而PlayStation就提早醒個送禮抽獎好選擇畀大家，事關官方宣布將於12月15日推出PS4無線控制器DUALSHOCK 4「金色」和「銀色」兩款應節新色，建議售價各為HK$468。今次兩款金屬色PS4手掣的啞色塗裝勁有質感，而非電鍍咁浮誇，無論送禮定自用都大方得體。此外跟普通版本一樣，手掣除可從光條發出亮光，也可從觸碰板上端發出一條光線，畀玩家操作遊戲時更直覺，一眼就可辨識角色生命數值等狀況。當然，無線手掣也支援以USB連接線連結PS4，允許玩家進行有線操作。