港版清境「清新地」　親子必遊

對於新手爸媽來說，平時要照顧小朋友已大叫辛苦，更何況去旅行，單是想到奶粉尿片、衣服等已霸佔一個旅行篋便想放棄。其實想遠離繁囂，唔一定要搭飛機，事關西貢都有如台灣清境般景色優美的「清新地有機悠閒莊園」，既可一嘗耕種樂趣、又能餵羊羊，一家大細輕輕鬆鬆便可親親大自然。

單看清新地有機悠閒莊園的相片，肯定會以為是到了台灣的清境農場，其實莊園位處在科技大學臨海山腳底近海灘處，非常隱蔽，由科大要行15分鐘樓梯才到；如在西貢白沙灣碼頭坐船去，都要10多分鐘，到達碼頭後行一段小路便到達莊園。莊園佔地21萬平方呎，放眼盡是草地和農田，還有動物區，養了三隻小山羊、兩隻白兔、3隻貓咪，小朋友可以買飼料餵羊羊及白兔。

踏進農莊，每個孩子都會被園內兩個遊樂場區所吸引，單是鞦韆都有5、6款，還有氹氹轉、平衡木、電動車，最特別是設有一個沙池，並提供多款工具讓小朋友大玩堆沙，小朋友肯定玩到不願走。當體力消耗得差不多時，可以玩一些以靜態為主的活動，例如有機耕種體驗，導賞員不但會講解有機耕種的原則、運作及重要性，亦會講解不同植物的特性。而喜歡製作美食的你，亦可參加溫泉蛋冷麵、英式鬆餅、心太軟等工作坊，由搓粉至製成，全部由自己一手包辦，小朋友有份親手做，自然胃口大開。臨走前，想有手信拿走的話，記得要參加盆栽製作，讓你可以帶一盆薄荷葉回家繼續栽種。

開放時間：星期二至日、9:00am-5:00pm（公眾假期例外）

查詢：5112 9195

備註：入場費全免、導賞及香草盆栽製作 HK$60/位

模特兒：凌宇芯（2indigo）、Amanda Lee（Moguls）、陳正曦