開箱男：Kodak PM210隨時印相　派對必備

聖誕節即將來臨，相信大家都會與家人、朋友、同事舉行派對慶祝，玩樂之餘當然唔少得影下相。如果想將手機相片即時實體化同朋友分享，今次為各位開箱的Kodak Photo Printer Mini PM210應該合心水。外形方面，雖然名為Photo Printer Mini，但機身體積都與iPhone 7 Plus相近，亦重250g，開箱男就嫌略巨型。至於配色，則備有金、黑、白三色。

要將相片印出來亦相當簡單，PM210支援iOS、Android裝置，在手機Wi-Fi設定頁面揀選PM210預設的Wi-Fi網絡就可以將兩者連接，之後就可以下載《KODAK Printer Mini》應用程式。打開App後，用家可以直接於App內開啟手機相機即影即印，亦可以於手機圖片庫入面揀相，最有趣就是可以選取短片某一格畫面進行列印。另外，亦可以直接連結大家的Facebook、Instagram、Google Photo等帳戶取相列印。

App內設有編輯功能，除了可以單一相片列印，亦可以揀選以證件相或者拼相形式打印。而且亦可以即時調校相片亮度、對比度、飽和度等設定。另外，內置23款濾鏡效果，相片更有氣氛！想更有心思，亦可以加入相框，或者以預載的生日卡、聖誕卡等範本，甚至加上文字、貼紙等。

PM210就用上專利一體式墨盒連相紙，並採用熱昇華打印技術，再加上保護塗層，減低脫色機會。開箱男試用，由按列印一刻到列印完成，大概需時1分半鐘，速度都算合格。相片尺寸為信用卡、八達通卡般大，放進銀包就剛剛好。至於相質方面，未算細緻，色彩飽和度亦略高，但如果以玩味角度都屬合格。

售價：HK$1,280、HK$110（專用相紙20張連墨盒）、HK$240（專用相紙50張連墨盒）

查詢：3173 6080