濟州水產市場　鮮嘗即劏鮑魚

在濟州島，鮑魚也是名物之一。提起鮑魚，自然想到濟州島獨特的海女漁業文化，潛水工作由女性擔當，不使用氧氣筒而直接潛入水中，採收鮑魚及其他水產，目前濟州約有4,500名海女，絕大部分都是已超過六、七十歲的婆婆呢。要吃濟州鮑魚，又不用特地走到岸邊，一於去位於濟州市的東門水產市場。作為全島最大的傳統市場，不少當地餐廳都是經市場入貨，除了水產以外，東門水產市場亦有多個出售農產品以及當地特產的攤檔。雖然是水產市場，但地方總算光潔，沒有強烈的魚腥味，逛起來也舒服得多，只見市場人頭湧湧，以韓國阿珠媽居多，就知靠得住。

多個攤檔有售多款魚生刺身，不過識食梗係食即劏的新鮮鮑魚，有手掌大小的鮑魚隻隻生猛，都是由海女所捕獲而來的。食鮑魚，唔使用劍嘅，揀好心水之後，攤檔的阿珠媽就會幫你將鮑魚洗擦乾淨，即時切片。鮑魚刺身口感爽脆，味道甘香鮮甜，邊走邊食夠風味。再走入少少，其實市場內也有不少海鮮餐廳，同樣有得吃鮑魚刺身，不過有得舒舒服服坐低，價錢當然貴一點。

東門水產市場

地址：濟州市耳島1洞1436-7號