萌爆防震！SwiftCam Hello Kitty電動雲台

今時今日用手機拍片，又點少得一支電動雲台幫你穩定手機，你又點估到Hello Kitty今次再踩過界，推出手機專用的電動雲台，新機用上白色襯粉紅機主調，最特別當然是配上Hello Kitty大大個嘜頭，從正面睇會見到佢拎住相機影相，萌度爆燈，粉絲又點可以錯過呢。

流線形設計的SwiftCam Hello Kitty雲台，外殼以塑膠製造，沒有一般電動雲台的硬朗質感，拎上手感覺似玩具，相信女士會較容易接受。雲台可以做到前、後、左、右轉動，但由於佢用上兩軸防震系統，所以做唔到水平旋轉，不過機身勝在簡單易用，手柄只有向上/下、校正鍵和開關幾個掣。至於手機夾就以彈弓夾實，考慮到用家擁有唔同尺寸的手機，所以跟機附有一塊平衡重量配件，套入後就能夠針對大尺寸手機平衡重心；加上雲台用6粒AAA電池驅動，跟機亦會都會送埋畀你，夠晒貼心。

售價：HK$998

查詢：3148 9455