Pet Pet聯萌：主人愛心頸巾　幫寶貝變雞仔

新年要換新裝，屋企嘅寵物都要着新衫，扮靚靚！趁住今年雞年，一於幫佢哋變身成應節十足嘅黃金雞啦！平時白雪雪的Cotton，帶上小黃雞頭套後，顯得十分精靈，活像剛孵出的小雞。而熱情好動的Scott似乎都好滿意牠的新Look，載上白雞頭套後，簡直就係人見人愛，親友見到必定忍唔住要抱抱佢。如果嬌小的阿甘背上小雞書包去拜年，利是一定?到盆滿缽滿！

不過若然你想送萌寶貝們一份充滿心思的小禮物，那麼你可以跟擁有10年製作寵物用品經驗的Sally學整簡單的小手工，為牠們手製一條別致的頸巾。加上金元寶、桃花、雞仔等圖案，一樣充滿節日氣氛。不過Sally就提醒大家︰「做寵物手作最好少用鐺鐺做裝飾，因為怕牠們百厭，咬到並且吞下肚。另外用熱溶槍時，圍邊上容易沾有乾了的膠粒，記得把它們除去，以防牠們吞入肚。」