Macross 新TV動畫　2018有得睇

「菜迷」高度注意！早前Macross Walkure喺橫濱體育館舉行演唱會，載歌載舞之餘仲公布咗三項消息，其一係當晚活動將會剪輯成Blu-ray及DVD，讓無法親歷其境嘅粉絲都有機會重溫，well，意料中事；第二個消息係為咗慶祝《超時空要塞》系列面世35周年（首播日期為1982年10月3日），製作單位已經啟動咗35周年紀念映像計劃，到底係新動畫，還是OVA，又或者係其他方案？當晚未有詳細公布，依然賣關子；第三個消息係明年會有新動畫接棒，而且係TV作品，睇嚟河森正治老師對35周年Project極為重視喎！新動畫會係Delta嘅續篇，還是外傳甚至前傳的番外篇故事？有待河森老師與製作單位稍後公布了。