多多指教　貓貓都有專用卡片？

喵，多多指教呀！唔係發夢呀！雖然貓貓都仲未識介紹自己，但已經有專用卡片啦！日本印章店「ハンコズ」就為貓貓設計咗57款嘅貓貓印章，仲有8個字款可以選擇，而背面就可以印上貓貓嘅相片，以及名字、性別、鍾意或討厭嘅食物等資料，除咗貓貓印章，仲當然有貓奴印章，人貓一齊派卡片，或者交換卡片，都好似幾好玩咁喎！除咗專用卡片，泰國嘅網上商店ShuLeatherWorks亦可以按着貓貓的樣子，度身訂造貓帶，想貓主子變得更加獨特有個性？貓奴要識做啦！