試嘢姐：本季最夢幻花形妝物！

送禮給另一半炮製驚喜，可謂是感情提升良藥，不過女生收得花多都會厭，不如轉送花……形妝物，外形睇落夠晒靚又可以幫另一半扮靚啲，包佢收到一定心心眼。首次登場的試嘢姐，嚴選今季兩款最有話題花花妝物，實試畀大家睇點用最識用！

Lancôme限量版春日玫瑰光影

粉紅玫瑰代表熱戀中的情侶，送Lancôme的玫瑰光影就最好不過。這朵立體小花，能令肌膚自然光亮起來，源自於沾滿珠光粉末的花瓣。用化妝掃輕輕綴於T字位、蘋果肌位置，面容立即明亮了，天氣回暖了更可用作點綴鎖骨、小腿，就好像為身體搽上隱形粉底一樣。看似脆弱的玫瑰，經試嘢姐多番強暴後仍然非常完好，用完當擺設亦一流呢！

Les Merveilleuses LADURÉE心形胭脂

法牌Les Merveilleuses LADURÉE的花瓣胭脂，可謂是少女心的佼佼者。今個早春系列，品牌還推出心形的限量版，令人更想擁有。這胭脂由3款不同深淺色調的花瓣組成，能夠做出自然粉嫩的妝效，試嘢姐最近有點手緊，還想發掘此物有甚麼隱藏功能。拿起心形的鮮紅花瓣，以小號眼影掃沾取小量，畫於下眼尾位置，就能做到Rabbit Eye的感覺，不過此胭脂較為實色，建議輕手一點以防眼腫！