追擊小米　DJI Phantom 3 SE平過3千人仔

這邊廂小米就剛剛推出部小米無人機4K版，並以2,999人民幣開售，那邊廂「龍頭」DJI就向小米還擊，推出DJI Phantom 3 SE入門級4K無人機，更以優惠預售價2,999人民幣發售（原價3,499人民幣），不過只限中國大陸地區訂購，而且甫推出即被瘋搶，所以網頁顯示暫時缺貨。

其實Phantom系列已經出到Phantom 4 Pro，今次返轉頭出DJI Phantom 3 SE，擺明專攻廉價入門市場，而部無人機規格都唔錯，例如可拍攝4K@30p影片和1,200萬相片的鏡頭、4公里圖傳、視覺定位、超聲波定位等，而且飛行時間大約有25分鐘，以新手來說已經好夠玩。

至於小米無人機4K版就今日（3月3日）開賣，規格上都係差唔多，有4K拍片、4公里圖傳、RAW檔案相片等。不過要在DJI和小米兩者之間選擇，應該唔需要考慮，合埋眼都揀到。