巴打些牙：阿妹教落玩High啲

世間任何事物都有竅門，例如有人可以諗到方法食平啲（甚至食平啲啲），同樣道理，點樣可以在床上玩得開心啲？咁當然係要知已知彼啦！以下就輯錄咗女士的床上心聲，大家了解之後，自然可以令對方玩得High啲，玩得開心啲！

記住要出聲

無論睇電視定入戲院睇戲，遇上有聲冇畫，抑或係有畫冇聲，都會令人好掃興，可想而知聲畫同步係幾咁重要。其實女人喺床上亦一樣係咁諗，早前外國網站訪問多名女士，問佢地提供男士們改善床上表現嘅意見，當中最受女性推舉嘅意見就係男士喺床上都要出聲！有女士表示好多男人都只係掛住抽送而鮮有出聲，有時連呼吸聲、喘氣聲都會忍住，但係咁樣會令床戰缺少氣氛，有女士亦覺得男人唔出聲會令女方以為佢諗緊其他女人，亦反映呢段關係唔夠坦誠相對。第二個意見就係最怕男人用一指神功，認為男人有咁多隻手指，用嚟按摩一定會比起用一隻手指撩撥為舒服。另外亦有意見千祈唔好一本通書睇到老，同一樣嘅前戲同抽送方式可能適合前度，但係唔一定適合其他女性，男士們更切忌提到如何用此招數令前度興奮莫名，否則即時犯上死罪！

切忌急進

男人性急，亦相當急色，一見到心儀對象，就好想快快將對方帶上床，上到床亦想快快「開戰」。之不過，又有冇考慮過女方嘅感受呢？新聞資訊網站早前進行過一系列女性床上喜好嘅調查，了解一下佢哋對男性嘅床上錯誤行為有咩睇法。當中5不少網站女用戶表示不滿嘅行為，其中一個就係太快進入喇！有女性表示男方完全唔做前戲之下進入，往往會令女方唔夠分泌而感到痛楚。另外亦有意見表示最怕男方用手指亂咁撩撥小妹妹，男人咁做會令佢哋覺得自己好似一隻被填塞餡料嘅火雞一樣！亦有女用戶表示希望每次床戰之前，男方都可以預先準備好紙巾以便喺事後清潔，因為女性都希望喺床戰之後保持乾淨，及同男方相擁一刻，唔希望男方急急腳落床走去浴室沖涼，大家記住喇！

鴛鴦浴禁忌

講到出浴，原來都唔可以行差踏錯，否則會令女方性趣驟降。早前喺日本有研究了解一下鴛鴦浴時嘅禁忌行為，有男士就表示千祈唔好手痕剃鬍鬚，用剃鬚刀剃時不時都會意外引至流血，咁樣固然令女方不禁心驚，至於用電鬚刨亦不宜，因為剃鬚時嘅雜音會令女伴煩躁不安。亦有男士表示唔好懶體貼咁為女伴洗頭，一來洗頭期間女伴要閉起雙眼，心理上會有少少不安感，就算冇，男士們係咪又有信心洗得女伴舒舒服服呢？另外，亦有男士表示個身未乾透唔好上前擁抱對方，咪以為好浪漫，皆因濕漉漉咁攬住女伴，只會令對方覺得討厭咋！

最怕哪種愉虐玩法

唔少人受情色小說及電影《格雷的五十道色戒》嘅影響，希望同伴侶模仿當中嘅男女主角嘗試愉虐玩意。之不過，男士們當然樂於一試，但女伴又係咪樂在其中呢？早前日本網站「Menjoy!」訪問咗唔少女性，睇吓佢哋最怕邊種愉虐玩法，結果係用膠條或膠紙綁起雙手玩拘束交歡！點解呢？有受訪女性話雙手被綁實令佢哋產生不安感，仲有玩完之後被緊緊綁住嘅身體部分會紅晒，甚至出現過敏反應，影響外觀，咁又難怪佢哋唔鍾意嘅！至於第二樣就係用雪條刺激，有受訪女士話男方唔知條雪條真係好凍，凍得耐仲會產生刺痛感覺，而且玩完之後搞到床單濕晒，亦令佢哋覺得不快。第三係用牙籤刺激，受訪女士表示男人通常唔識控制力度，唔小心刺痛女方，仲誤以為女方覺得興奮而自鳴得意，實在討厭！