Tablet新調查 iPad依然最好賣?

20170505
東網電視
更多新聞短片
Tablet新調查 iPad依然最好賣?
唔少人都發覺Tablet新產品近年愈來愈少,受歡迎程度似乎大不如前,最近就有市場研究公司International Data Corporation(IDC)就印證咗呢個趨勢,喺最新嘅平板電腦市場報告入面,全球平板電腦付運量由上年第一季的3,960萬部,跌至今年第一季的3,620萬部,按年下跌8.5%,亦是連續第十季下跌。而五大廠商之中Apple、Samsung、Amazon、Lenovo均按年錄得付運量下跌,當中跌幅最高是Apple,比上年下跌13%,但仍然以24.6%穩佔平板電腦市場佔有率第一位,緊隨其後就是16.5%的Samsung。五大廠商中只有Huawei的付運量錄得升幅,由上年第一季的200萬部,升至今年第一季的270萬部,按年升幅達31.7%,市場佔有率亦攀升至第三位,相當驚人。
Asus ZenFone 3系列新色 粉紅冧女士
要數女士最愛嘅顏色,粉紅色一定入選三甲!啱啱台廠Asus就為旗下ZenFone 3系列手機推出名為「All Pink」、瑰麗粉嘅粉紅新色,包括Zenfone 3 Zoom、ZenFone 3 Max、ZenFone 3,三部機都換上粉紅色機背,相信可以吸引到女性用家啦!講番三部機嘅賣點,ZenFone 3 Zoom就主力光學變焦雙鏡頭兼且5,000mAh大電池;ZenFone 3 Max同樣玩4,100mAh大電池,亦支援反向充電功能;ZenFone 3就採用前後2.5D防刮玻璃設計,粉紅色版本就連機面都齊齊換上粉紅色,外形最靚。
Qualcomm中階新CPU 5月9日發布
手機處理器大廠Qualcomm(高通)早前就發布咗旗艦CPU Snapdragon 835,而Samsung Galaxy S8、小米6等新機亦陸續換上。高階機有着落,中階型號一樣有更新,品牌最近就發出邀請函,宣布5月9日於北京發布Snapdragon 660。Snapdragon 660相信就係Snapdragon 653、652嘅後繼版本,屬於中高階級數。綜合一系列傳聞,相信Snapdragon 660將採用八核心架構及Adreno 512,估計運算速度比上代更快、效能更強,外界傳Nokia 7/8、下代小米Max都會換上此CPU,消息有冇咁靈通呀?
小米用家好消息!MIUI 9終於有分割屏幕?
上個月小米新機小米6正式發布,硬件就夠勁,不過好多用家期待嘅MIUI 9新介面始終未有蹤影。最近就有疑似開發者洩漏小米發出嘅電郵,內容就講到新MIUI將會引入「分屏」以及「畫中畫」兩個大功能。其實兩個功能其他Android機已經或者曾經支援,不過小米手機就一直未有對應,新功能屬實的話的確係小米用家福音,加上新系統將會更加流暢及省電,配合高性價比嘅定價,話唔定可以令小米手機又再掀起一陣搶購潮。