【特約報道】好多人都覺得香港人比較保守，一講到情趣玩具，就會臉紅紅，好尷尬。其實情趣用品已經愈來愈普遍，早前有英國情趣用品網站訪問近4,000名成年男女有關情趣用品數量調查，發現受訪者至少同時擁有3件性玩具，超過1成2受訪女性仲話收藏11-15件情趣用品添！至於囡囡買玩具理由除咗係解決需要，仲會當玩具咁儲，就好似男人儲波鞋咁Casual喎！對於乜都儲一餐嘅港男港女，情趣玩具又有冇收藏價值呢？咁就要搵情趣用品店傾下喇！

名器有得炒

位於元朗同益商場情趣用品店CLIMAXES，店長Chris表示本地男女購買性玩具不輸英國人，只係「敢玩唔敢認啫」！開業四年，主打日本品牌，由安全套、潤滑油、杯杯、震蛋都由日本直接引進，Chris解釋，日本產品不但包裝美觀，功能亦非常貼心，相比起歐美產品過重口味，前者較適合香港人使用，所以用家以外亦有不少收藏家。例如日本知名女優沖田杏梨及上原亞衣等名器玩具，一年總有三四款新杯推出，每次都搶購一空，Chris笑笑口話通常粉絲都會一次買兩件：「一個自用另一個用嚟珍藏，假如係限量款或女優退役紀念款，部分仲會炒高兩三倍價錢添！」而多得網上不少人拍片分享情趣玩具心得，Chris表示性玩具店喺香港已非禁忌：「男女會各自行，亦有情侶會一齊選購，過程一啲都唔尷尬，會直接問使用方法外，經驗用家仲會交流使用心得。」雖然敢玩，但無奈Chris話本地人都係怕醜，唔敢公開同人分享：「即使你有買玩具習慣，起碼你唔敢Like情趣用品店FB先啦！」

玩具有分級

情趣用品五花八門，但唔係每一件都適合所有人玩㗎，Chris話遇過好多男士以為伴侶肯接受性玩具就乜都得，結果買咗SM玩具返去，嚇到對方以後唔敢再掂。「單係震蛋都有過千款，有專為新手亦有為達人而設，初心者應該揀啲顏色鮮艷，有多種震速選擇，易掌握同時伴侶亦易接受，至於專業用家會針對素材及誇張呎吋為主！」另外，男士想伴侶接受情趣用品，不妨從情趣內衣入手，坊間有不少制服選擇，男女玩角色扮演，增加話題，自然令女伴對情趣玩具感興趣，大家記住喇！

登峰造極 Climaxes Sex Toys Shop

地址：元朗大棠路同益商場3樓15B舖

網址：http://www.climaxes.com.hk/

營業時間：12:00nn~8:30pm

查詢：5228 2552（whatsapp/Wechat）