上天下海打Switch 外國達人「真體感」

20170528
東網電視
更多新聞短片
要玩「真體感」,梗係要一邊飛一邊玩!
打機點樣先叫做「真體感」?外國呢位達人就完美示範你睇!影片一開始,原本仲係好悶棍咁打緊超任,門鐘一響,發現部Switch喺地下,咁就開始咗一場現實Cross Over遊戲冒險之旅。現實世界中達人上天下海,跟足孖車同薩爾達入面不同場景。要數最過癮嘅一段,有玩過Switch《薩爾達傳說》嘅朋友都知道,遊戲其中一個最爽嘅地方,就係爬到鬼咁高,然後打開滑翔傘,輕輕鬆鬆飛過地圖。達人都不甘示弱,從飛機一躍而下,喺空中操控林克,現實同遊戲中同步滑翔,超爽!成段片剪得超有心思,即使宣傳味濃濃哋,但都值得一睇!