色日放送：AV大事每周精選　又有新人登場！

第五位：談性鬥夾胸

最近一對好姊妹AV女優奧田咲同夢乃愛華，為配合AV廠S1舉行企劃活動「S1宿泊會」而公開直播同床片段，同各界AV迷分享心事。兩女除咗大談性事，奧田咲仲同愛華玩起腳底按摩，話咁樣可以促進身體健康喎！不過，奧田咲嘅按腳技術似乎麻麻哋，搞到愛華痛到呱呱叫！之後，二女進行夾胸大挑戰，睇吓邊個乳溝夠闊落，可以夾得最多DVD盒！率先接受挑戰嘅係奧田咲，之後就輪到愛華上陣，雖然兩人同樣擁有碩大誘人嘅H奶，但係DVD盒都唔薄，故此二人用盡方法，都只係夾到6個DVD盒，分唔到輸贏，大家打和啦！Super！如果想睇片，可以Click上網睇睇：http://bit.ly/2sgXsmr

第四位：小惡魔解禁

天海翼出道以來憑住標致面孔及婀娜身段，加上出色嘅小惡魔系風格而受到AV迷青睞，亦深得東家Ideapocket寵愛。而天海翼唔會故步自封，喺新作中，被男優綁成大閘蟹，除咗係阿妹從影以來首次被繩綁之外，亦係I廠首部以繩綁作為主題嘅AV片，實在係難得一見嘅作品！睇到翼妹近日解禁，AV迷當然高興啦，然而翼妹咁做好可能同臨近引退有關，粉絲們真係要做好心理準備喇！

第三位：慘慘豬！有菜斷肋骨！

繼早前擁有「神尻」稱號嘅小淫娃佐佐波綾肋骨骨折之後，被喻為明日之星嘅S1專屬女優橋本有菜最近亦喺社交網發表一則受傷報告，同樣亦係肋骨骨折！據有菜表示，因為喺屋企唔小心撞到張梳化，而令肋骨折斷，暫時未知有菜需要休息幾耐，AV迷當然希望佢快啲康復啦！有菜今次受傷其實都幾大件事，除咗要停工外，由於有菜擔任AV OPEN 2017嘅代言女郎，會有大量宣傳工作為呢個將於11月上演嘅盛事準備，但係有菜家陣肋骨折斷，相信會影響到工作進度。唉！嗰張梳化真係累人累物呀！

第二位：千萬酬金唔下海

早前，日本寫真女郎吉澤紗梨同石川優實喺新宿舉行粉絲活動，兩女同粉絲們開懷暢飲，飲大兩杯仲開始大談色情話題，吉澤紗梨就話自己嘅第一次發生喺19歲，對方係個32歲嘅中年男子，地點喺一間漫畫喫茶店內。之後，佢哋突然講起專搵女藝人下海拍AV嘅AV廠Muteki，更直言M廠曾經派員同佢哋接洽，並且開咗個「下海價」，石川優實話自己只係值300萬日圓，至於吉澤紗梨嘅身價十分高，M廠開到1,000萬日圓利誘佢下海，但係二人都表示未有考慮拍AV。

第一位：超級妹系偶像登場

近幾年有好多日本女藝人下海拍AV，其中北都氣勢如虹，但對手嘅SOD亦都冇放軟手腳捱打，除咗有新人桐山結羽及結月真白兩位高質新人，仲有一個超級妹系偶像效力，佢就係神坂雛乃喇！21歲嘅雛乃喺着衣寫真界名氣十足，憑住一副天真無邪嘅幼嫩童顏上位，雖然身材瘦削冇乜睇頭，但勝在皮膚白皙幼滑，而且演出風格大膽，形容佢做小淫娃絕對唔過分。據悉，雛乃喺下海作品中會將呢啲大膽意識稍作收斂，配合清純面孔扮演鄰家少女，然後逐步將淫意慾火釋放，唔知大家對於呢位妹系偶像點睇呢？