運動款涼鞋　潮男潮女都啱着

波鞋係要着，但想買嗰幾款又炒到飛起，與其同人搶，不如玩吓其他流行款式。今期流行混合波鞋概念與時尚涼鞋於一身的設計，近日更在歐美日韓街頭處處可見。一班潮男潮女貪佢個款型型哋，五顏六色的尼龍搭帶又勝在易襯，就算男生身穿一Set牛仔Worker套裝，抑或女生隨手揀條充滿夏日感的印花連身裙作配搭，亦能展現出個人風格。舒適的平底橡膠鞋底有厚有薄身任你揀，想借鞋增高，今回你知點揀啦！