色日精選放送：她拍AV的理由竟然是……

精選第六位：茉莉奈離婚？

喺日本AV界，女優一般好少會將自己嘅感情事告知AV迷，不過亦有例外，SOD三大台柱之一白石茉莉奈就係其中之一喇！茉莉奈初出道時已公開自己係已婚人妻，同老公育有一個囝囝。雖然係咁，茉莉奈嘅演出相當出色，故即使公開婚姻狀況，依然不減大家對佢嘅支持。之不過，茉莉奈人氣咁高，又經常出席公開活動，到底茉莉奈嘅老公有冇發現佢係AV女優呢？而事務所回答過唔少類似問題，答案通常都係「老公正在國外工作」。然而，最近喺茉莉奈嘅新作《寂しさ募って……》當中就透露出一點端倪，因為作品初段出現的字幕寫住「茉莉奈已經結束咗8年嘅婚姻關係」！咁係咪即係畀老公發現咗佢拍AV事業，因而離婚，抑或只係劇情需要而編造出離婚藉口呢？對此，茉莉奈就冇正式回應過，所以其婚姻狀態到今時今日都係一個謎。

精選第五位：瞳亮再次復出

提到90年代嘅AV，唔知大家睇過未呢？老實講，90年代嘅女優的確別有一番風味。幸好，當中有唔少女優至今依然活躍於AV界，例如熟女系女王風間由美及加山夏子，最近仲有多一個，佢就係現年41歲嘅瞳亮喇！

瞳亮出道於1996年，直至2002年引退，據聞轉行做美容事業。到2013年瞳亮再次出現於大家眼前，但係拍咗約一年AV又再次引退。不過，3年之後又估唔到瞳亮作第二度復出喎！雖然瞳亮已年屆41歲，幸好係佢深諳保養之道，面上無甚老態，而且韻味濃郁，相當吸引。至於身材方面，顯得婀娜而肌膚細嫩，作為熟女系女優的確係出類拔萃，熟女迷千祈唔好錯過呀！

精選第四位：身份曝光即引退

AV女優近年愈來愈鍾意出席公開活動，好似以AV女優為骨幹成員嘅惠比壽麝香葡萄就進行全國巡迴演唱會。大家可能會問：「乜佢哋唔怕AV女優身份曝光咩？」事實上，的確係有好多女優會顧慮到自己拍AV嘅工作畀親人發現，故名字、出生日期等資料都係虛報。之不過，紙包唔住火，總係有一日會畀人發現，而後果就會好似吉咲明菜咁喇！

明菜係AV廠S1本年度嘅優質新人，據悉好多人都認為佢有能力成為第二個AV小天后天使萌。點知明菜嘅下海作品甫公布就要下架，而喺S1官方網頁中，已經將明菜嘅一切資料刪除，究竟發生咩事呢？消息指出，明菜畀父母發現佢拍AV，由於阿妹仲未夠20歲呢個日本法定成人年齡嘅關係，法例上係需要父母批准至可以下海，咁家陣明菜先得19歲，所以父母唔畀就當然冇得再做落去，連所屬事務所及S1都冇晒辦法，惟有放生呢位咁有潛質嘅新人啦！

精選第三位：最強人妻身份揭曉

日本AV廠E-BODY主力發掘擁有超絕品身材嘅女優，同時以激烈床戰嚟滿足AV迷嘅視覺需要。而上個月E廠就搵到一位令大家為之驚艷嘅人妻新人出道，佢就係擁有「最強人妻」稱號嘅並樹光喇！呢位並樹光身材極佳，擁有純天然G Cup美巨乳，胴體纖巧健美，加埋風韻迷人嘅面孔，質素拍得住當年紅極一時嘅加納瑞穗！點知並樹光嘅頭炮作品推出之後就冇晒聲氣，令AV迷擔心佢只係拍一部AV就引退！

幸好，最近從E廠嘅8月新作名單當中，終於可以見到並樹光新作。睇過並樹光演出嘅朋友，就覺得佢個樣好似熟口熟面，及後終於有AV迷醒起，原來佢就係兩年前出道嘅橋本杏奈！當年杏奈樣貌青春嬌俏，身材比現時更豐滿，如此極品尤物梗係令AV迷熱烈追捧，可惜大家都估唔到杏奈只係拍咗5部單體作品就消失。當然，更估唔到嘅係杏奈仲結埋婚，然後以人妻身份再次同大家見面！

精選第二位：離譜！道場變戰場！

喺日本AV界有唔少武術少女，最近出道嘅萌佳就係其中一位喇！大家唔好睇萌佳年紀輕輕，身材又細細粒咁，原來阿妹係空手道黑帶高手，更加擁有參加日本全國比賽嘅資歷添！喺佢嘅初下海作品《空手少女》當中，仲喺道場上即席表演空手道功夫，證明自己確係真材實料冇吹水！不過，功夫幾強都冇用，萌佳喺雄赳赳嘅男優面前，一樣要被弄得花容失色，喺道場中臣服於男優，不過相信呢個道場都係布景嚟啫，正路唔會有道場肯借出畀人拍AV啩。

精選第一位：報復老公拍AV

日本AV界人妻女優眾多，當中有部分係劇情需要，並唔係真正嘅人妻，亦有部分係貨真價實！至於人妻女優之所以下海拍AV，最多人用嘅藉口係因為老公性能力不濟，又或者係老公已經唔再同佢哋上床云云，而最近就有神秘人妻女優話係想報復老公而拍AV！

熟女名廠Madonna將會有一位新人出道，呢位新人據聞係一名索到爆嘅29歲人妻，但廠方故作神秘，只公開人妻上半身背面嘅照片！最近M廠再公開多啲相關資料，整咗個人妻新人與周邊人物嘅關係圖，從中可以睇到佢老公有位前妻，人妻新人則喺工作嘅地方有情投意合嘅同事。至於人妻新人下海嘅原因係咩呢？原來係因為老公近期經常同前妻一齊，令佢醋意大發，故此以拍攝AV報復老公喎！