暑中作學　 沙灘影靚相無難度（二）

上次資深攝影師KA提供了多招攝影貼士，教大家如何能簡單在沙灘影水着靚女相，今次就由靚女模特兒Polly來教大家如何擺出靚女Pose，挺胸收腹固然是基本，還要善用扭身，令身形睇起來更瘦。哪麼影完相後就是否完工，可以安心放在Facebook呃Like？還未得，還要透過電腦執相令相片更靚！就等小記提供埋執相貼士，等大家的夏日靚女相更盡善盡美。

Pose貼士一：

來到沙灘影相，海棠春睡Pose是指定動作，但要注意橫躺時，腰部會容易夾出肥肉，此時稍稍扭腰，或者將手輕輕放在腰上，影出來就會瘦身修長得多。

Pose貼士二：

想影海浪衝上沙灘的一瞬，在沿岸位置擺跪地Pose就最適合不過，此時雙腳要分開不要拍埋，雙腳睇落就會瘦得多，而手臂不妨稍為屈曲擺動，有助加強線條感。

Pose貼士三：

如果身形偏向嬌小，影相時不妨找些欄杆、長椅來挨一下，再輕輕趷高腳，感覺上會高瘦點。

執相貼士一：

如果相片背光黑面，只要用Photoshop，順序揀選Image、Adjustments、Curves，就能簡單推光相片，令面色變回亮麗。

執相貼士二:

如用錯了白平衡，令相片又藍又青的話，只需進入Photoshop，順序揀選Image、Adjustments、Photo Filter，就能簡單調回正常的色溫，面色暖番晒。