小王子空降將軍澳　玩埋周末市集

來自B-612星球的Le Petit Prince小王子再次嚟咗地球，作為Fans的你，點可以唔捧場呢？由9月9日至10月31日，小王子會留喺將軍澳PopWalk同粉絲近距離見面。首先，當然不能錯過多個小王子的影相位，好像PopWalk二期門外放置全港首個高逾約4米的小王子雕像，等待粉絲們朝聖打卡。走入二期商場，就有一架小王子玫瑰花馬車等待你，成為他的「小公主」。場內更會開設「小王子 “Walk is Sweet”期間限定店」，率先發售限定比利時朱古力禮盒，Prince迷見到包裝已經甜到入心。熟讀《小王子》的書迷們都知道，小王子的心中最愛就是那朵艷麗又傲漫的玫瑰花。大家來到一期商場地下，就會見到他已經換上貴族裝束，含情脈脈的守候在玫瑰花旁。至於另一經典場景，小王子與好朋友狐狸的相遇，則會在一樓上映。

平時市面上所見的小王子產品並唔多，手作製品更是少之有少，不過今次粉絲有福了，事關在9月9、10、16、17日，一連兩個周末將會舉行「PopWalk x Le Petit Prince ~“Walk in Love”主題市集」，請來多達40位來自亞洲區的手作達人參加，出售多類型限量小王子手作成品，如手機殼、小王子發光書、手織玫瑰花、首飾、月球碗、布袋、T恤、文具、香薰蠟燭等，每件作品均獨一無二，大家千萬咪走寶。值得一提，在開幕日到場的朋友，記得3點來到PopWalk一期地下顧客服務中心，免費索取福袋乙個，先到先得，送完即止。活動的周末期間，大家可能會在將軍澳或西貢熱點，見到「小王子“Walk in Taste”專車」。只要在派發地點讚好PopWalk的Facebook 專頁，分享及讚好主題車指定帖子，即可獲得免費小王子限定飲品乙支。咁多節目同獎賞，係咪好吸引呢？