恐怖人魚館　你敢走一趟嗎？

人魚係咪一定靚到Dum一聲？我無見過，真係唔知，不過日本池袋太陽城嘅陽光水族館Sunshine Aquarium，為配合萬聖節，由9月28日至11月5日，將布置成恐怖人魚館！其實於上年10月曾經舉行過恐怖主題活動，名為「呪いの水櫛」，因為反應太好，有二萬人次入場，所以今年再接再厲。

今次依然由鬼屋策劃人五味弘文負責設計，並以人魚為主題，這個兼具美麗與恐怖的生物，因為愛上人類卻遭到悲慘的結局，因而產生怨念。五味弘文利用水族館的特點，令參加者體驗到視覺及聽覺的恐懼，諗起都覺得寒寒哋。

唔使驚，食番啲嘢定下驚，因為水族館入面的咖啡館特備限定菜單，包括模仿貝殼而成的「恐怖漢堡」、美人魚眼球特飲等等。夠膽，你就慢慢享用啦~