【今晚鬼鬼哋】最靚仔鬼怪孔劉+死神李楝旭

20171029
東網電視
更多新聞短片
孔劉+李楝旭,咪就係型囉。買餸都型過人囉~
好多鬼故都以女鬼報仇(或報恩)為主,男鬼比例上較少(我知我知,有《猛鬼街》freddy吖嘛),而呢部舊年年尾推出嘅韓劇《孤單又燦爛的神-鬼怪》因為有孔劉飾演嘅金信,因為忠心而畀奸人所害,又因為深愛女主角而唔願投胎,令一班少女以至C奶女觀眾睇到如痴如醉,當時個個都自稱做孔太添。小編A就有不少朋友因為孔劉飾演這個角色而瘋狂愛上他,仲發夢話見到自己幫佢拔劍喎,(嗱嗱嗱,咪心邪呀~)。以小編睇過唔多唔少嘅韓劇,其實劇情真係一般----拖,拖泥帶水到喊,不過勝在有美男孔劉加上型男死神李楝旭,以及小鮮肉陸星材,令到整部劇嘅養眼度大大提升,如果你問我:咁邊套好睇呀?我會推介《49天》,故事結構同演員問心真係出色好多。